तरुण दलका नगर सभापति हतियारसहित पक्राउ 

भैरहवा- नेपाली कांग्रेसको भातृ संगठन तरुण दल नेपालगन्जका नगर सभापति सन्दीपजंग शाह हतियारसहित पक्राउ परेका छन्।

सभापति शाहको बा१८च ४२११ को कार चेकजाँच गर्ने क्रममा बिहीबार राति उक्त हतियार फेला परेको कोहलपुर प्रहरीले जनाएको छ।

नेपालगन्ज उपमहानगरपालिका वडा नम्बर २० स्थित नमस्ते भिलेज रिसोर्टमा पार्किङ गरिएको उक्त कारमा हतियार भएको सूचना पाएपछि चेकजाँच गर्दा चालक बस्ने सिटको मुनि लुकाइ राखेको अवस्थामा अमेरिकन बुलेट लोडेड पेस्तोल बरामद भएको इलाका प्रहरी कार्यालय कोहलपुरका प्रहरी प्रमुख प्रहरी नायब उपरीक्षक हेमबहादुर शाहीले बताए।

३२ वर्षीय शाह नेपालगन्ज उपमहानगरपालिका-१३, रामबाघका वासिन्दा हुन्। 

प्रहरीले शाहसहित दिनेश शाही, राघव शाह ‘सानु’ , माधव नेपाली, जयबहादुर बुढा र प्रितम थापा मगरलाई पक्राउ गरेको जनाएको छ।