भ्रमण वर्षमा विदेशी पर्यटकलाई खाना र कोठा भाडामा छुट

काठमाडौं- होटल संघ नेपाल (हान) ले भ्रमण वर्ष २०२० लाई लक्षित गरी विदेशी पाहुनालाई खानामा १५ र कोठाको भाडामा ३० प्रतिशत छुट दिने जनाएको छ।

भ्रमण वर्षमा विदेशी पाहुनालाई केही भ्रमण वर्षमा आकर्षित गराउन छुटको व्यवस्था गरेको हानले जनाएको छ। 

भ्रमण वर्ष मूल आयोजनक समितिले सरोकारवाला निकायबाट भ्रमण वर्षको लागि केही न केही गर्न आग्रह गर्दै केके गर्ने भन्नेबारेको विवरण माग गरेको थियो। 

सो अनुसार नै हानले खाना र कोठाभाडामा छुट दिने जनाएको हो। सो छुट हानमा सदस्य भएका होटलहरुमा मात्र छुट हुनेछ। 

हानको देशैभर क्षेत्रीय सन्जालहरु पनि रहेको छ। हानमा सदस्यता लिएका होटल व्यवसायीको ठूलो लगानीका पाँचतारे होटलहरु पनि रहेको छ। सो छुट सन् २०२० भरी लागु हुने हानले जनाएको छ।