जुवाडेलाई थप २ दिन हिरासतमा राख्न अनुमति

काठमाडौं- काठमाडौं महाराजगंजबाट जुवा खेलिरहेको अवस्थामा समातिएका २५ जनालाई थप २ दिन हिरासतमा राख्न प्रशासनले अनुमति दिएको छ।

जिल्ला प्रशासन कार्यालय काठमाडौंले उनीहरुलाई थप २ दिन हिरासतमा राख्न अनुमति दिएको हो। बिहीबार प्रशासनमा उपस्थित गराइएका उनीहरुलाई प्रमुख जिल्ला अधिकारी जनकराज दाहालले एकमुष्ट ७ दिनको म्याद दिएर अनुसन्धान प्रक्रियालाई अघि बढाउन अनुमति दिएका हुन्।

उनीहरु पक्राउ परेको ५ दिन बितिसकेको छ भने अब २ दिनमा प्रहरीले अनुसन्धान गरेर जिल्ला प्रशासन कार्यालयमा पेश गर्नुपर्नेछ। यसैबीच बन्दी प्रत्यक्षीकरणको रिट दायर गरेका जुवाडेमध्येका १४ जनाको रिटमा आज सुनुवाइ हुँदैछ।

तिहारको बेला जुवा खेलिरहेको अवस्थामा २५ जुवाडे २ करोड ६७ लाखसहित पक्राउ परेका थिए। पक्राउ पर्नेमा केही भीआइपी जुवाडे समेत रहेका छन्।