काठमडौं- मंगलबार भाइटीका नलगाएका नेवार समुदायले आज (बुधबार) लगाउँदैछन् । मंगलबार नेपाल सम्वको नयाँ वर्ष र म्हः पुजा गरेरका नेवार समुदायले आज भाइटीका लगाउन लागेका हुन् ।
म्हः पुजा र भाइटीका एकै दिन गर्न नमिल्ने भएकाले आज बल्ल टीका लगाउन लागेको नेवार समुदायका अगुवाहरुको भनाइ छ । बुधबार बिहान पनि केही समय द्वितीया तिथि रहेकाले भाइटीका लगाउन सकिने उनीहरु बताउँछन् ।
नेवार समुदायमा भाइटीकालाई किजा पुजा पनि भनिन्छ । सरकारले किजा पुजाको अवसरमा सार्वजनिक विदा दिएको छ।
नेवार समुदायका केहि ब्यक्तिहरुले भने नेपाल पञ्चांग निर्णायक समितिको निर्णयअनुसार मंगलबार नै किजा पूजा मनाएका छन् ।
पञ्चांग निर्णायक समितिले लक्ष्मीपूजादेखि भाइटीकाको दिनसम्म अर्थात १०, ११ र १२ गतेमात्र सार्वजनिक विदा दिन सरकारलाई सिफारिस गरेको थियो । तर, सरकारले नेवार समुदायले भाइटीका १३ गते मनाउने भन्दै सो दिन पनि सार्वजनिक विदा दिने निर्णय गरेको हो ।
नेपाल पञ्चांग निर्णायक समितिले भाइटीकाकै दिन म्हः पूजा गर्ने निर्णय गरेको थियो । त्यही निर्णय अनुसार कतिपयले मंगलबार नै म्हः पूजा गरे । कतिपयले भने भाइटीकाको अघिल्लो दिन म्हः पूजा गर्ने चलन रहेको भन्दै सोमबारै म्हः पूजा गरेका थिए ।
प्रकाशित: Dec 31, 2017| 18:23 आइतबार, पुस १६, २०७४