शुक्रबार, साउन २३, २०७७

विचित्र दुनिया

राजकुमार ह्यारीलाई बर्गर कम्पनीबाट पार्ट टाइम जागिरको प्रस्ताव

1579186239Harry.jpg

काठमाडौं- बेलायतको राजपरिवारबाट वरिष्ठ सदस्य नरहने निर्णयमा पुगेका राजकुमार ह्यारीलाई जागिरको प्रस्ताव आएको छ। अमेरिकाको एउटा चर्चित अन्तर्राष्ट्रिय चेन बर्गर किंगले ट्वीटरमार्फत् राजकुमार ह्यारीलाई जागिरको अफर गरेको हो।

ह्यारीलाई गरिएको जागिरको प्रस्तावले अहिले सामाजिक सञ्जालमा निकै चर्चा बटुलेको छ। सामाजिक सञ्जालमा केही प्रयोगकर्ताहरुले बर्गर किंगको प्रस्तावलाई गलत भनेका छन्। केही प्रयोगकर्ताहरुले भने बर्गर कम्पनी र उसको प्रस्ताव राम्रो रहेको भन्दै प्रशंसा गरेका छन्।

ह्यारी र उनकी पत्नी मेगन मर्केलले ८ जनवरीमा शाही परिवारको वरिष्ठ सदस्यता त्याग्ने चाहना सुनाएका थिए। उक्त निर्णयमा उनीहरुले आर्थिक स्वतन्त्रता खोजेकोसमेत बताएका थिए।

महारानी एलिजाबेथ द्वितीयका नाति ह्यारी बेलायतको राज सिंहासनका छेटौँ नम्बरका दाबेदार हुन्। उनको मे २०१८ मा मेगनसँग बिहे भएको थियो।

 

प्रतिक्रिया दिनुहोस्