वरुण धवनलाई लाग्थ्यो- शाहरुख खान र काजोल पतिपत्नी हुन्

मुम्बई- बलिवुड सुपरस्टार शाहरुख खान र अभिनेत्री काजोलले कयौँ सुपरहिट फिल्ममा सँगसँगै काम गरेका छन्। यो जोडीलाई दर्शक खुबै मन पराएका पनि थिए। यो जोडीबिच हरेकपटक एउटा भव्य केमिस्ट्री देख्न पाइन्छ। यो जोडीलाई देखेर बुलिवुड कलाकार वरुण धवन कुनै समय झुक्किएका थिए।  

शाहरुख खान र काजोल पति-पत्नी हुन् भन्ने धवनलाई लाग्ने गर्थ्यो। यो कुरालाई धवनले नै बाहिर ल्याएका थिए। यतिसम्म कि गौरी खानलाई जब शाहरुखको घरमा देखेका थिए, त्यसबेला धवन छक्क परेका थिए। 

वरुण धवन आफ्नो एउटा फिल्मको प्रमोसन गर्नका लागि एउटा रियालिटी शोको मञ्चमा पुगेका थिए। उनले किस्सा सम्झिदै भने, ‘मैले शाहरुख र काजोललाई श्रीमानश्रीमती सम्झिँदै आएको थिएँ।' तर जब धवन एनवीएको चन्दा लिन शाहरुखको घरमा गए। त्यहाँ गौरी खानले ढोका खोलिन्। यो देखेर उनी हैरान भए। दुई मिनेटसम्म उनले गौरीलाई हेरिरहे। त्यो समय उनले चन्दाको पैसा लिएर केही नबोली फर्किए। 

घर पुगेर वरुणले आफ्नी आमालाई शाहरुखको घरमा काजोल नभेटेको कुरा सुनाए। बरु गौरी खानले ढोका खोलेको सुनाए। त्यतिबेला उनकी आमाले काजोल शाहरुखको पत्नी नभई गौरी हुन भनेपछि वरुणले केही समय पत्याउनै सकेका थिएनन्।