टोक्यो ओलम्पिकमा एलेक्सले बनाए राष्ट्रिय कीर्तिमान

काठमाडौं– जापानमा जारी ३२ औं संस्करणको गृष्मकालिन ओलम्पिकमा नेपाली खेलाडी एलेक्स साहले राष्ट्रिय कीर्तिमान बनाएका छन्। एक सय मिटर फ्रि स्टाइलमा प्रतिस्पर्धा गरेका साहले राष्ट्रिय कीर्तिमान बनाएका हुन्।

उनले निर्धारित दुरी ५३.४१ सेकेन्डमा पार गर्दै राष्ट्रिय कीर्तिमान बनाएका हुन्। उनले यसअघि आफैंले बनाएको रेकर्ड सुधार गरेका हुन्। उनले पछिल्लो पटक ५५.३८ सेकेन्डको रेकर्ड बनाएका थिए।

यता ७० खेलाडी सहभागी बनेको सो विधामा नेपाली खेलाडी साह ५९ औं स्थानमा रहे। यससँगै उनी अघिल्लो चरणमा प्रवेश भने गर्न सकेनन्। सात खेलाडी समावेश भएको हिटमा भने उनी पहिलो भए।

हिट चरणबाट शीर्ष १६ खेलाडी सहभागी बनेका थिए। पौडीबाट दुई नेपाली खेलाडी सहभागी छन्।