काठमाडौं - ब्रेन ट्युमरको समस्याबाट पीडित पूर्वसभासद कमला सुवेदीको निधन भएको छ। तत्कालीन नेकपा (एमाले) को केन्द्रीय सदस्यसमेत रहेकी सुवेदीको ५० वर्षको उमेरमा निधन भएको हो।
शनिबार बिहान काठमाडौंको पशुपति आर्यघाटमा उनको दाहसंस्कार गरिएको छ। सुवेदीको पार्थिव शरीरमा नेकपाका नेता माधवकुमार नेपालले पार्टीको झण्डा ओढाएका थिए। उनीप्रति अन्तिम श्रद्धाञ्जली अर्पण गर्न महासचिव विष्णु पौडेल, अष्टलक्ष्मी शाक्य, अमृत बोहरालगायतका नेता कार्यकर्ताहरु आर्यघाट पुगेका थिए।
रामेछापको बाबियाखर्क माइती र मन्थली नगरपालिका-१ घर भएकी सुवेदी रामेछाप-काठमाडौं सम्पर्क समितिको संयोजकसमेत बनेकी थिइन्। उनका श्रीमान्, एक छोरी, एक छोरा छन्।
प्रकाशित: Dec 31, 2017| 18:23 आइतबार, पुस १६, २०७४