बुधबार, माघ ८, २०७६

समाचार

बसको ठक्करबाट मोटरसाइकलमा सवार दुई जनाको मृत्यु

बसको ठक्करबाट मोटरसाइकलमा सवार दुई जनाको मृत्यु

जनकपुरधाम - बसले मोटरसाइकललाई ठक्कर दिँदा मोटरसाइकलमा सवार दुई जनाको मृत्यु भएको छ। धनुषाको जनकपुर–ढल्केबर सडकखण्डको लक्ष्मीनिया र सपहीको बीचमा बसले मोटरसाइकललाई ठक्कर दिएको हो।

बसको ठक्करबाट धनुषाको लक्ष्मीनिया गाउँपालिका-७ पर्सापकडियाका २५ वर्षीय सन्तोष ठाकुर र क्षिरेश्वर नगरपालिका बस्ने २५ वर्षीय अनवर राईनको मृत्यु भएको प्रहरीले जनाएको छ।

ढल्केरबाट जनकपुरतर्फ गइरहेको ज१क २८२ नम्बरको बसले विपरित दिशाबाट आउँदै गरेको ज१०प ३५३५ नम्बरको मोटरसाइकललाई ठक्कर दिएको थियो। उनीहरुको घटनास्थलमै मृत्यु भएको थियो।

 

प्रतिक्रिया दिनुहोस्