छानो भत्किँदा ३९ विद्यार्थी घाइते

काठमाडौं - तारकेश्वर नगरपालिका–३ जितपुरमा एक निजी विद्यालयको छानो भत्किँदा ३९ विद्यार्थी घाइते भएका छन्।

जितपुरमा रहेको विद्याकुञ्ज इंग्लिश सेकेन्डरी बोर्डिङ स्कुलको छानो बुधबार दिउँसो भत्किएको हो।

महानगरीय प्रहरी परिसर काठमाडौंका एसएसपी उत्तमराज सुवेदीले घाइते सबैको उद्धार गरी मेडिसिटी अस्पताल लगिएको जानकारी दिए।

सबै घाइतेको अवस्था सामान्य रहेको जानकारी दिँदै सुवेदीले विद्यालयको ट्रसको छानो कमजोर भएकाले खसेको बताए।