बैतडी- महिलामाथि डोजर चलाउने चालकविरुद्ध प्रहरीले ज्यान मार्ने उद्योगमा मुद्दा दर्ता गरेको छ ।
डोजरको बकेटले हानेर पेल्न खोजेको भिडियो सार्वजनिक भएपछि प्रहरीले चालक किशोर बोहरालाई पक्राउ गरि ज्यान मार्ने उद्योगमा मुद्दा दर्ता हो ।
उनीवरुद्ध मंगलबार नै ज्यान मार्ने उद्योगमा मुद्दा दर्ता भई अनुसन्धान भइरहेको जिल्ला प्रहरी कार्यालयका प्रवक्ता प्रहरी निरीक्षक किसन चन्दले जानकारी दिए। जिल्ला अदालत बैतडीबाट १० दिनको म्याद थपेर बोहरामाथि अनुसन्धान भइरहेको उनले बताए।
चालकले बैतडीको दशरथचन्द नगरपालिका –९ मा स्थानीय गौरी जोशीमाथि डोजर चलाएका थिए । दशरथचन्द नगरपालिका वडा नं ९ को सुण्न्नाखानदेखि पार्ससम्म जोड्ने सडक निर्माणका विषयमा दुई पक्षबीच विवाद हुँदा झडप भएको थियो।
झडपका बेला सडक रोक्नुपर्छ भन्ने पक्षका गौरी जोशीलाई डोजरले हुत्याएको र अहिले उनको कोहलपुरमा उपचार भइरहेको छ। ढुंगा हानाहान हुँदा दुवै पक्षका अन्य सातजना समान्य घाइते भएका थिए। उनीहरुको जिल्ला अस्पतालमा उपचार भएको थियो।
प्रकाशित: Dec 31, 2017| 18:23 आइतबार, पुस १६, २०७४