मंगलबार, चैत २५, २०७६

समाचार

चितवनमा ट्यांकरले मोटरसाइकललाई ठक्कर दिँदा दुईको मृत्यु

1572680133Accident.jpg

चितवन– पूर्व–पश्चिम राजमार्गको भण्डरा हर्दीमा ट्यांकरले मोटरसाइकललाई ठक्कर दिँदा दुई जनाको ज्यान गएको छ।

जिल्ला प्रहरी कार्यालय, चितवनका अनुसार ना७ख ४६६० नम्बरको ट्यांकरको ठक्करबाट प्रदेश–३–०२–००५ नम्बरको मोटरसाइकल चालक गोरखा, भिमसेन गाउँपालिका–४ का ३५ वर्षीय इन्द्र तामाङ र मोटरसाइकलमा सवार सोही स्थानका २४ वर्षीय सुगम तामाङको ज्यान गएको हो।

टाँडीबाट लोथरतर्फ जाँदै गरेको ट्यांकरले सोही दिशातर्फ जाँदै गरेको मोटरसाइकललाई ठक्कर दिएको प्रहरीले जनाएको छ।

दुर्घटनामा घाइते भएका उनीहरूको उपचारका क्रममा भरतपुरस्थित चितवन मेडिकल कलेजमा ज्यान गएको प्रहरीले जनाएको छ।

प्रतिक्रिया दिनुहोस्