मंगलबार, असार २३, २०७७

समाचार शिक्षा

आइओएमले गर्‍याे १२ शैक्षिक कार्यक्रमको शुल्क निर्धारण

1578572834Tribhuwan_University.jpeg

काठमाडौं– त्रिभुवन विश्वविद्यालय चिकित्साशास्त्र अध्ययन संस्थान (आईओएम) डीन कार्यालयले १२ शैक्षिक कार्यक्रमको शुल्क निर्धारण गरेको छ।

आईओएमले त्रिभुवन विश्वविद्यालय अन्तर्गतका क्याम्पसमा शैक्षिक सत्र २०७६/०७७ मा स्नातक तहमा अध्यापन गर्ने विद्यार्थीहरूका लागि शुल्क निर्धारण गरेको हो।

सरकारले निर्धारण गरेको शुल्ककै आधारमा शुल्क ताेकिएकाे आईओएमले जनाएकाे छ। आईओएमले उपत्यकाभित्र र बाहिरका कलेजहरूले लिने शुल्क तोकेको छ। जसअनुसार एमबीबीएसका लागि उपत्यकाबाहिर ४४ लाख ३६ हजार २५ र उपत्यकाभित्र ४० लाख २३ हजार २ सय ५० तोकेको छ।

त्यस्तै, बीडीएसका लागि २० लाख १९ हजार पाँच सय ८० रूपैयाँ, बीपीएच, बीएसस्सी, मेडिकल ल्याब टेक्नोलोजिस्ट, बी फार्मेसी र बीएस्सी एमआईटीको शुल्क ७ लाख २५ हजार ८ सय १८ तोकेको छ।

ब्याचलर इन आयुर्वेद मेडिसिन एण्ड सर्जरी बीएएमएसको १३ लाख ८८ हजार ८ सय, ब्याचलर इन नर्सिङ साइन्स (बीएनएस)को ५ लाख २५ हजार र बिएससी नर्सिङका लागि ७ लाख ८२ हजार शुल्क तोकिएको छ।

 

 

 

प्रतिक्रिया दिनुहोस्