काठमाडौं- पटक पटक विवादमा आइरहने पूर्वयुवराज पारस शाह फेरि विवादमा तानिएका छन् ।
एक युवतीसँग बढ्दो निकटताका कारण उनी विवादमा तानिएका हुन् ।
पछिल्लो पटक उनको उठबस यूट्यूवर सोनिका रोकायासँग बाक्लिएको छ । सोनिका तिनै युवती हुन, जो चर्चामा आउन उछृङ्खल जस्तो लाग्ने भिडियो यूट्यूबमा अपलोड गर्छिन् ।
उनै सोनिकासँग पारसको सम्बन्ध झांगिएका कारण उनी फेरि विवाद आएका हुन् । यसको पुष्टि टिकटकमा भाइरल भएका दुई भिडियोले गर्छन् ।
जसमा सोनिकाले मुख खोलेर भन्न पो भा’छैन् । तर, कसलाई था’छैन् । बोलको गीतमा पारसलाई पृष्ठभूमिमा राखेर अभिनय गरेकी छिन् । जुन भिडियोमा दुईको सम्बन्धका विषयमा थुप्रैले कमेन्ट गरेका छन् ।
हेर्नुहोस् भिडियो
यो भिडियोसँगै अर्को एक भिडियोले पनि यी दुईको सम्बन्धका विषयमा प्रश्न उठाएको छ ।
पोखरामा खिचिएको यो भिडियोमा पारस केहि शुभेक्षुकसँग भनाभन गरिराखेको देख्न सकिन्छ ।
भिडियोमा शुभेक्षुकहरुले केही प्रश्न गरेका छन् र पारसले कसैले पनि आफूलाई राजावादी भन्दै नहिंड्न सुझाव दिएका छन् । बुलेट बाइकमा कसैलाई कुरेजस्तो देखिने उनले 'यो वादी, उ वादी भन्ने होइन । राजावादी भनेको फुटाउने कुरा हो, हामी सबै नेपाली हो,' भन्दै सुझाएका छन् ।
उनले यति भनिसक्न नपाउँदै यूट्यूवर सोनिका आउँछिन् र सरासर बाइकमा बस्छिन् । उनी बस्ने बित्तिकै पारसकाे बाइक हुइकिन्छ ।
हेर्नुहोस् भिडियो
टिकटकमा भाइरल भएको यो भिडियोले पनि सोनिका र पारसको सम्बन्धका विषयमा प्रश्न उठाएको छ ।
भिडियोमा धेरैले पूर्वयुवराज जस्तो व्यक्तिले यस्तो हर्कत देखाउनु शोभनीय नभएको टिप्पणी गरेका छन् ।
कतिले चाहिँ ‘देख्यौ त तिमीहरुका राजा-रानी ?’ भनेर राजावादीहरुलाई व्यंग्य गरेका छन् । केहिले सोनिकालाई गाली गरेका छन् ।
स्रोतका अनुसार पारस र सोनिकाको भेट निकै बाक्लो हुने गरेको छ । दुईबीचको बाक्लो उठबसलाई कतिपयले प्रेम सम्बन्धका रुपमा अर्थाएका छन् ।
लामो समयदेखि पारसको पत्नी हिमानीसँग सम्बन्ध राम्रो छैन ।
यसअघि उनी थाइल्यान्डमा रहँदा एक थाइ युवतीसँग प्रेममा रहेको विषय सार्वजनिक भएको थियो ।
प्रकाशित: Dec 31, 2017| 18:23 आइतबार, पुस १६, २०७४