आइतबार, चैत २३, २०७६

समाचार

पोखरामा लागुऔषधसहित दुई पक्राउ

1573630157Pakrau.jpg

काडमाडौं– प्रहरीले २८० एम्पुल लागुऔषधसहित पोखरामा दुई जनालाई पक्राउ गरेको छ।

वडा प्रहरी कार्यालय, रामबजारको टोलीले चेकजाँचका क्रममा पोखरा महानगरपालिका–१३, काहुँखोलाबाट स्थानीय २१ वर्षीय अनुप तामाङ र पोखरा–२७, शिशुवाका १९ वर्षीय विशाल परियारलाई पक्राउ गरेको हो ।

उनीहरूले बोकेको झोलाबाट डाइजापाम ९४ एम्पुल, बुप्रिनर्फिन ९४ एम्पुल र फेनरागन ९२ एम्पुल लागुऔषध बरामद गरिएको कार्यालय प्रमुख एवं प्रहरी निरीक्षक प्रकाश थापाले बताए। उनका अनुसार चेकजाँचका क्रममा अनुपले चलाएको ग०७प ६१२४ नम्बरको मोटरसाइकलबाट लागुऔषध बरामद गरिएको हाे।

चेकजाँच गर्न लाग्दा भाग्न खोजेपछि पिछा गरेर उनीहरूलाई पक्राउ गरिएको प्रहरीले जनाएको छ।

पक्राउ परेका दुवै जनालाई थप अनुसन्धान तथा कारबाही प्रक्रियाका लागि जिल्ला प्रहरी कार्यालय, कास्की पठाइएको थापाले जानकारी दिए।

प्रतिक्रिया दिनुहोस्