सीलाई राष्ट्रपति भण्डारीले गरिन् स्वागत 

काठमाडौं- दुई दिने नेपालको राजकीय भ्रमणका लागि शनिबार काठमाडौं पुगेका चिनियाँ राष्ट्रपति सी चिनफिङलाई समकक्षी विद्यादेवी भण्डारीले स्वागत गरेकी छन्।

शनिबार अपरान्ह काठमाडौं पुगेका सीलाई राष्ट्रपति भण्डारीले त्रिभुवन अन्तर्राष्ट्रिय विमानस्थलमै स्वागत गरेकी हुन्। 

सीको स्वागतका लागि उपराष्ट्रपति नन्दकिशोर पुन, प्रधानमन्त्री केपी शर्मा ओली, राष्ट्रियसभाका अध्यक्ष गणेश तिमिल्सेनालगायत विमानस्थल पुगेका थिए। 

सीको सम्मानका लागि नेपाली सेनाले विमानस्थलमै ‘गार्ड अफ अनर’ प्रदान गरेको छ।  

राष्ट्रपति सी आज भारतको भ्रमण सकेर एयर चाइनाको जेट विमानमा काठमाडौं आएका हुन्। उनी राष्ट्रपति भण्डारीको निमन्त्रणामा नेपाल आएका हुन्।

मणका क्रममा राष्ट्रपति सीले नेपालका समकक्षी विद्यादेवी भण्डारी, प्रधानमन्त्री केपी शर्मा ओली, प्रमुख प्रतिपक्षी दलका नेता एवम् नेपाली कांग्रेसका सभापति शेरबहादुर देउवा, नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’सँग भेटवार्ता गर्ने कार्यक्रम छ। 

राष्ट्रपति सीको भ्रमणका क्रममा नेपाल र चीनबीच विभिन्न सम्झौता र सहमतिपत्रमामा हस्ताक्षरसमेत हुने बताइएको छ। 

उनी आइतबार स्वदेश फर्कने कार्यक्रम छ।