काठमाडौं- भारतीय कप्तान विराट कोहीले दक्षिण अफ्रिकाविरुद्धको टेस्ट च्याम्पियनसिपमा दोहोरो शतक बनाएका छन्। दोस्रो दिनको खेलमा उनले २९९ बल खेल्दै २०२ रनको दोहोरो शतकीय पारी खेलेका हुन्।
यससँगै कोहली टेस्ट क्रिकेटमा सर्वाधिक दोहोरो शतक प्रहार गर्ने खेलाडी बनेका छन् । उनले अहिलेसम्म ७ शतक प्रहार गरेका छन्। उनले भारतका पूर्वखेलाडी सचिन तेन्दुलकर र वीरेन्द्र सहवागको कीर्तिमान भंग गरेका छन्। सचिन र सहवागले टेस्ट क्रिकेटमा ६ दोहोरो शतक बनाएका थिए।
सहवागले टेस्टमा दुई पटक तेहरो शतक पनि बनाएका छन्। यस आँकडामा विराट र सचिन सहवागभन्दा पछि छन्।
टेस्टमा विराटको ७ हजार रन पूरा
कोहलीले आफ्नो टेस्ट करियरमा ७ हजार रनको आँकडा पूरा गरेका छन्। दक्षिण अफ्रिकाविरुद्धको दोस्रो टेस्टको पहिलो पारीमा उनको टेस्ट रन ७ हजार ५४ पुगेको छ ।
त्यस्तै सचिन तेन्दुलकरले १५ हजार ९ सय २१ रन जोडेका थिए। राहुल द्रविडले १३ हजार २ सय ६५, सुनिल गावस्करले १० हजार १ सय २२, वीवीएस लक्ष्मणले ८ हजार ७ सय ८१, सहवागले ८ हजार ५ सय ३ र सौरव गांगुलीले ७ हजार २ सय १२ रन जोडेका थिए।
प्रकाशित: Dec 31, 2017| 18:23 आइतबार, पुस १६, २०७४