एफसी कप फुटसल खेल्ने नेपाली टोली घोषणा 

काठमाडौं- एएफसी कप फुटसल च्याम्पियनसिप छनोट च्याम्पियनसिपका लागि १४ सदस्यीय राष्ट्रिय फुटसल टोली घोषणा गरिएको छ।

अक्टोबर २३ देखि २५ सम्म इरानमा हुने च्याम्पियनसिपका लागि पूर्वराष्ट्रिय फुटबल खेलाडी विजय गुरुङ र आशिष लामासहितको टोली घोषणा गरिएको हो। 

टोलीमा अनिष श्रेष्ठ, सुमित आले, सन्जोग चाम्लिङ राई, सरोज तामाङ, आदिल हमिद, अभय राना, आरुज सिंह, विजय श्रेष्ठ, सरोज गुरुङ, विनोद गुरुङ, मणि लामा र निर्मल गुरुङ छन्। टोली छनोट मुख्य प्रशिक्षण विष्णु गुरुङ र प्रशिक्षक गौरव बस्नेतले गरेका हुन्।  

दक्षिण एसिया सेन्ट्रल जोनको समूह ‘ए’मा रहेको नेपालले अक्टोबर २३ मा ताजकिस्तान, २४ मा उज्वेकिस्तान र २५ मा अफगानिस्तानसँग खेल्नेछ। समूहका शीर्ष दुई टोलीले सन् २०२० मा तुर्केमिनिस्तानमा हुने एएफसी फुटसल च्याम्पियनसिपमा सहभागिता जनाउने छन्।