महराविरुद्ध प्रहरीमा पीडित महिलाले दिइन् जाहेरी, महरा पक्राउ पर्न सक्ने 

काठमाडौं : निवर्तमान सभामुख कृष्णबहादुर महराविरुद्ध रोशनी शाहीले प्रहरीमा जाहेरी दिएकी छन् ।

यौन दुर्व्यवहार गरेको आरोप लागेपछि महराले सभामुख पदबाट राजीनामा दिएका थिए । जबरजस्ती करणीको प्रयास गरेको अभियोगमा शाहीले महानगरीय प्रहरी वृत्त, नयाँ बानेश्वरमा शुक्रबार जोहरी दिएकी हुन् । 
उनको जाहेरीसँग महरा पक्राउ पर्न सक्ने संकेत प्रहरीले गरेको छ । यसअघि १३ असोजमा पीडित महिलाले आफूमाथि महराले जबरजस्ती करणी गर्ने प्रयास गरेको दाबी गरेकी थिइन् । गत आइतबार राति पौने ९ बजे तीनकुनेमा भएको भनिएको घटनापछि प्रहरीसमेत उनको घरमा पुगेको थियो ।

शाहीले आफू महराबाट पीडित भएको भिडियो सार्वजनिक भएसँगै महरालाई पदबाट राजीनामाको लागि पार्टी नेतृत्वले समेत दबाब दिएको थियो । महराको राजीनामा आएसँगै उनले बयान फेरेकी थिइन् । तर उनी धेरै विवादमा आएको भन्दै उनका पतिले समेत छुट्टिने सहमति गरेपछि भने उनले शुक्रबार प्रहरीमा जाहेरी दिएको प्रहरीले जानकारी दियो । 

पछिल्लो समय ‘आफू डिप्रेसनको शसकार भएको भन्दै शाहीले महरा आफ्नो बाबुजस्तो भएको समेत बताएकी थिइन् तर चौतर्फी दबाबपछि भने उनले महराविरुद्ध जाहेरी दिएकी हुन् ।  प्रहरीले अहिले विस्तृत अनुसन्धान गरिरहेकोले थप बोल्न नमिल्ने जनाएको छ ।