खुल्यो डीभी, पासपोर्ट अनिवार्य

काठमाडौं - सन् २०२१ को लागि डाइभर्सिटी भिसा (डीभी) को आवेदन खुलेको छ। २०१९ अगस्ट २ देखि नोभेम्बर ५ सम्म आनलाइनमार्फत आवेदन भर्न सकिनेछ।

अमेरिकाको आप्रवासी ऐनको व्यवस्थाअनुसार डीभीमार्फत ५५ हजारका लागि भिसा उपलब्ध गराउने सूचनामा जनाइएको छ। डीभी भरेबापत कुनै शुल्क नलाग्ने जनाइएको छ।

अमेरिकामा कम आप्रवासी भएका मुलुकका नागरिकलाई अमेरिकाले चिठ्ठामार्फत भिसा उपलब्ध गराउँछ।

यसपटक अमेरिकाले डीभी भर्नका लागि पासपोर्ट नम्बर चाहिने नयाँ व्यवस्था गरेको छ। साथै जारी गरिएको देश र पासपोर्टको म्याद अवधि पनि उल्लेख गर्नुपर्नेछ।

तर डिपेन्टेन्टमा जानेका लागि भने यो आवश्यक छैन। यसैगरी कम्युनिस्ट देशका नागरिक र देशविहीनहरूका लागि पनि इन्टरनेसनल ट्राभल पासपोर्ट नम्बर नचाहिने आवेदनको सूचनामा उल्लेख छ।