एजेन्सी- इटालियन सिरि ए फुटबलमा लिग च्याम्पियन युभेन्ट्सले आफ्नो अपराजित यात्रा कायमै राखेको छ।
शनिबार राति भएको खेलमा स्पाललाई २-० गोलले पराजित गर्दै लिगमा आफ्नो अपराजित यात्रालाई कायमै राखेको हो।
युभेन्टसको जितमा मिरालिम प्ययानिच र क्रिस्टियानो रोनल्डोले एक एक गोल गरे। पहिलो हाफको अन्तिम मिनेटमा मिरालिमले गोल गर्दै युभेन्टसलाई अग्रता दिलाएका थिए। पहिलो हाफमा १–० को अग्रता लिएको युभेन्टसले दोश्रो हाफमा थप एक गोल गर्यो।
७८ औं मिनेटमा रोनाल्डोले गोल गर्दै युभेन्टसलाई २–० को जित दिलाए। उनले अर्जेन्टिनी फरवार्ड पाउलो डिबालाको सहयोगमा हेडमार्फत गोल गरेका थिए।
चोटका कारण पछिल्लो खेल विश्राम लिएका रोनाल्डो पूरै समय खेलेका थिए। यस जितसँगै ६ खेलबाट १६ अंक जोड्दै अंक तालिकाको दोस्रो स्थानमा छ।
६ खेलमा सबै जितेको इन्टर मिलान १८ अंकका साथ शीर्षस्थानमा छ। स्पाल ३ अंकका साथ पुछारबाट दोस्रो स्थानमा छ।
प्रकाशित: Dec 31, 2017| 18:23 आइतबार, पुस १६, २०७४