काठमाडौ- गण्डकी मेडिकल कलेजमा अध्ययनरत विद्यार्थीले निशुल्क स्वास्थ्य शिविर सञ्चालन गरेका छन्।
गण्डकी नर्सिङ संघको ३४ औँ स्थापना दिवसको अवसरमा सो मेडिकल कलेजमा अध्ययनरत नर्सिङ विभागका विद्यार्थीको पहलमा स्वास्थ्य शिविर सञ्चालन गरिएको हो।
शिविरमा २०० जना विरामीको निशुल्क स्वास्थ्य परिक्षण गरिएको छ।
वीएन दोस्रो वर्षमा अध्ययनरत रविना मिश्रका अनुसार प्रशुति तथा महिला विरामी निशुल्क शिविरबाट लाभान्वित भएका छन्।
तोकिएको शुल्क भन्दा बढी शुल्कको विरोधमा गण्डकी मेडिकलका विद्यार्थी एक वर्षदेखि आन्दोलनमा छन्।
गृहमन्त्रालयले तोकिएको शुल्क भन्दा बढी रकम लिएका मेडिकल कलेजलाई एक महिनाभित्र शुल्क फिर्ता गर्न मेडिकल कलेजलाई समयसीमा तोकेको छ।
मन्त्रालयको आदेशपछि आन्दोलन रोकेका विद्यार्थीले निशुल्क स्वास्थ्य शिविर सञ्चालन गरेका हुन्।
प्रकाशित: Dec 31, 2017| 18:23 आइतबार, पुस १६, २०७४