काठमाडौं– दुई वर्षअघि विजय गच्छदार नेतृत्वको नेपाल लोकतान्त्रिक फोरम र नेपाली कांग्रेसबीच भएको एकीकरण प्रक्रिया टुंगाउन कांग्रेसले केन्द्रीय समिति बैठक बोलाएको छ।
असोज १० गते एक बजेका लागि बोलाइएको केन्द्रीय समिति बैठकमा समायोजन प्रक्रिया टुंगोमा पुर्याइने कांग्रेस प्रवक्ता विश्वप्रकाश शर्माले जानकारी दिए ।
उनका अनुसार एनपी साउद नेतृत्वको समितिले भातृ संगठनहरुको विषयमा गरेका कामको प्रगतिका विषयमा पनि बैठकमा छलफल हुनेछ भने दोस्रो चरणको राष्ट्रिय जागरण अभियानको पनि समिक्षा हुने छ।
उपसभापति विमलेन्द्र निधि नेतृत्वको समितिको प्रतिवेदन अनुसार समायोजन प्रक्रिया टुँगो लगाउने निष्कर्षमा कांग्रेस नेताहरु पुगेका हुन्। सोही निष्कर्षलाई केन्द्रीय समितिबाट पारित गर्ने बुझिएको छ।
प्रकाशित: Dec 31, 2017| 18:23 आइतबार, पुस १६, २०७४