काठमाडौं- अन्तराष्ट्रिय क्रिकेट परिषद् (आइसीसी) सार्वजनिक गरेको नयाँ टी-२० वरियतामा नेपाल यथावत् रहेको छ।
आइसीसी टी-२० वरियतामा नेपाल १४ खेलबाट २०१ रेटिङ र २८१८ पोईन्टका साथ ११ औं स्थानमा यथावत रहेको हो।
नेपालअघि १० टेस्ट राष्ट्र रहेका छन् भने नेपालपछि एसोसियट राष्ट्र स्कटल्याण्ड, युएई र टेस्ट राष्ट्र आयरल्याण्ड, जिम्बाबे रहेका छन्।
टी–२० वरियताको पहिलो स्थानमा पाकिस्तान रहँदा, दोस्रो स्थानमा ईङल्याण्ड, तेस्रो स्थानमा भारत रहेका छन्। त्यस्तै क्रमश अष्ट्रेलिया, दक्षिण अफ्रिका, न्युजिल्याण्ड, अफगानिस्तान, श्रीलंका, वेस्ट ईन्डिज र बंगलादेश रहेका छन्।
नेपालले गत महिना मलेसियासँगको दुई खेलको टी–२० सिरिज तथा सिंगापुरमा भएको आइसीसी टी–२० विश्वकप छनोट अन्तर्गतको एसिया फाइनल खेलेको थियो।
प्रकाशित: Dec 31, 2017| 18:23 आइतबार, पुस १६, २०७४