काठमाडौं- संविधान दिवसका अवसरमा सरकारले ६ सय ३४ जनालाई मानपदवी, अलंकार र पदक प्रदान गर्ने भएको छ। सरकारले ४ सय ५० जनालाई मानपदवी, १ सय ५६ जनालाई अलंकार र २८ जनालाई विभिन्न पदक प्रदान गर्न लागेको हो।
सरकारले महाउज्वजल राष्ट्रदीपबाट मरोणोपरान्त स्वर्गीय मदनमणि दिक्षित र रविन्द्रप्रसाद अधिकारीलाई प्रदान गरेको छ।
यस्तै, सुप्रसिद्ध प्रबल जनसेवाश्री सात जनालाई दिइने भएको छ, जसमा प्रधानन्यायाधीश चोलेन्द्र सम्शेर जबरा, प्रधानमन्त्री केपी ओलीका निजी चिकित्सक दिव्या सिंह शाह, स्वर्गीय आङ छिरिङ शेर्पासहित चार विदेशी छन्।
सरकारले संविधान जारी भएको दिनलाई संविधान दिवसका रूपमा मनाउँदै आएको छ। २०७२ असोज ३ गते संविधान जारी भएको हो ।
प्रकाशित: Dec 31, 2017| 18:23 आइतबार, पुस १६, २०७४