आइतबार, चैत २३, २०७६

विचित्र दुनिया

३० करोड आइफोन ह्याक गरेर ८५ लाख फिरौती माग !

1577098156I_phone.jpg

एजेन्सी- एक २२ वर्षीय युवक ३० करोड वटा आइफोन ह्याक गरेर फिरौती माग गरेको मुद्दामा दोषी पाइएका छन्।

३० करोड सेट आइफोन ह्याक गरी सबै आइफोनको फ्याक्ट्री रिसेट गरिदिने धम्की दिने व्यक्तिलाई अदालतले दोषी ठहर गरेको हो।

उनले ती आइफोन सेटको आई क्लाउड अकाउन्टको डिटेल हासिल गरेका थिए। त्यसपछि उनले फिरौतीका लागि आइफोनको फ्याक्ट्री रिसेट गर्ने धम्की आइफोन कम्पनीलाई दिएका थिए।

केरेम अलबायरक नामका ती युवकले आइफोन ह्याक गरेर ७५ हजार डलर अर्थात् झण्डै ८५ लाख रुपैयाँ फिरौती माग गरेका थिए।

उनले ७५ हजार डलरको सट्टा १ लाख डलर बराबरको आई ट्युन गिफ्ट कार्ड दिए पनि हुने विकल्पसमेत आइफोनन निर्माता कम्पनी एप्पललाई पेस गरेका थिए।

उनी ह्याकरहरुको समूह ‘टर्की क्राइम फ्यामिली’ सदस्य भएको पुष्टि भएको छ।

ती ह्याकरलाई लन्डनको साउथवार्क क्राउन अदालतले गत हप्ता २ वर्ष जेल, ३०० घण्टा विना पारिश्रमिक काम र ६ महिना विद्युतीय उपकरणमा काम गर्न नपाउने गरी फैसला सुनाएको छ।

अलबायरकसँग आई क्लाउडका ३१९ र थुप्रै एप्पल अकाउन्ट रहेको पाइएको छ।

उनी सन् २०१७ को मार्चमा लन्डनस्थित आफ्नै घरबाट पक्राउ परेका थिए। उनको साथबाट प्रहरीले केही आईफोन, कम्युटर तथा हार्ड डिस्कहरु बरामद गरेको थियो।

प्रतिक्रिया दिनुहोस्