काठमाडौं- नेपाल सरकारले उत्तर कोरियालाई उसले नेपालमा गरेको लगानी फिर्ता लैजान निर्देशन दिएको छ।
संयुक्त राष्ट्र सङ्घले आफ्ना सदस्य राष्ट्रलाई उत्तर कोरियाको लगानी फिर्ता गर्न निर्देशन दिए अनुसार सरकारले उत्तर कोरियालाई नेपालमा गरेको लगानी फिर्ता लैजान निर्देशन दिएको हो ।
उद्योग विभागका निर्देशन प्रेम प्रसाद लुइँटेलका अनुसार लगानी फिर्ता लैजान परराष्ट्र मन्त्रालयले आगामी अक्टुबर महिनासम्मको समय दिएको छ।
उत्तर कोरियाले नेपालमा सफ्टवेयर निर्माण, होटल, रेष्टुरेन्ट र अस्पतालसँग सम्वन्धित ९ वटा उद्योगमा लगानी गरेको छ।
प्रत्येक उद्योगमा करिब ५ देखि ७ लाख पुँजी रहेको रहेको र त्यसमा नेपाली लगानीको हिस्सा समेत रहेको विभागले जनाएको छ।
यो सँगै उत्तर कोरियाली नागरिकले नयाँ उद्योगका लागि समेत निवेदन दिन पाउने छैनन्।
प्रकाशित: Dec 31, 2017| 18:23 आइतबार, पुस १६, २०७४