नेत्रविक्रम चन्द 'विप्लव' समूहका जिल्ला सेक्रेटरी दिपेन राई जेलबाट नै नेपाल कम्युनिष्ट पार्टी (नेकपा) मा प्रवेश गरेका छन् ।
उनले एक प्रेस विज्ञप्ति जारी गरी पार्टी परित्याग गर्दै नेकपामा प्रवेश गरेको घोषणा गरेका हुन् ।
उनलाई गत चैत २० गते झापाको विर्तामोडबाट प्रहरीले पक्राउ गरेको थियो ।
हाल पुर्पक्षका लागि इलामस्थित कारागारमा रहेका उनीसँग जिल्ला अदालत इलामले रु एक लाख ५५ हजार धरौटी माग गरेको थियो ।
राईले विप्लव नेतृत्वको नेकपा माओवादीले लिएको नीतिप्रति असहमति जनाउँदै उक्त पार्टीको साधारण सदस्यसमेत नरहने गरी पार्टीबाट अलग भएको घोषणा गरेका छन् ।
– रासस प्रकाशित: Dec 31, 2017| 18:23 आइतबार, पुस १६, २०७४