काठमाडौं- अहिले देशभर आंशिकदेखि सामान्य बदली भई मध्य पहाडी भेगलगायत पूर्वी तथा पश्चिमी भूभागका थोरै स्थानमा हल्का वर्षा भइरहेको जल तथा मौसम पूर्वानुमान महाशाखाले जनाएको छ।
महाशाखाले आइतबार जारी गरेको मौसम पूर्वानुमान बुलेटिन अनुसार आज दिउँसो देशभर आंशिकदेखि सामान्य बदली रही केही स्थानमा मेघ गर्जनसहित हल्कादेखि मध्यम वर्षा हुनेछ। यस्तै, राति देशभर सामान्य बदली रही केही स्थानमा मेघ गर्जनसहित चट्याङ पर्ने र हल्कादेखि मध्यम वर्षा हुने मौसमविद्ले जनाएका छन्।
अहिले मनसुनी न्यून चापीय रेखाको पश्चिमी भाग औसत स्थान आसपास र पूर्वी भाग औसत स्थानभन्दा थोरै उत्तरतर्फ छ। साथै, भारतको मध्य प्रदेशको उत्तर पश्चिमी भागमा एउटा निम्न चापीय प्रणाली अवस्थित छ।
बंगालको खाडीबाट आएको जलवाष्पयुक्त हावाको प्रभावले देशभर मौसमी गतिविधि बढिरहेको बुलेटिनमा उल्लेख छ।
प्रकाशित: Dec 31, 2017| 18:23 आइतबार, पुस १६, २०७४