धनगढी- नेपाल आईस धनगढी फुटसल लिगको उपाधि कैलाश विकास वैंकले जितेको छ।
नविल बैंकलाई ९-४ ले हराउँदै कैलाश विकास बैंकले उपाधि जितेको हो। सुदूरपश्चिम प्रदेशको सर्वाधिक धनराशीको नेपाल आईस धनगढी फुटसल लिगको विजेता बनेसँगै कैलाश विकास बैंकले नगद ५० हजार पुरस्कार पाएको छ।
उपविजेता बनेको नविल बैंकले नगद २५ हजार पाएको छ। कैलाशलाई उपाधि जिताउन निशान थापाले दोहोरो ह्याट्रिक गरे भने रमेश वोहोराले २ र महेश चौधरीले एक गोल थपे। नबिलका लागि विवेक विष्टले २ तथा विरेन्द्र विष्ट र केशव चौधरीले एक एक गोल फर्काए।
फ्ल्याटल्याण्ड फुटसलमा भदौ ६ गते सुरु भएर शनिबार सकिएको लिगको उत्कृष्ट खेलाडी नबिल बैंकका विरेन्द्र विष्ट भए।
सर्वाधिक गोलकर्ता कैलाश विकास बैंकका रमेश वोहोरा र उत्कृष्ट गोलरक्षक कैलाशकै सन्दीप शर्मा भए।
प्रकाशित: Dec 31, 2017| 18:23 आइतबार, पुस १६, २०७४