काठमाडौं- नेपाल ओलम्पिक कमिटीको अध्यक्षमा जीवनराम श्रेष्ठ निर्वाचित भएका छन् । उनले आफ्ना प्रतिष्पर्धी उमेशलाल श्रेष्ठलाई ७ मत अन्तरले पराजित गरे ।
जीवनरामले १७ र उमेशलालले १० मत पाए ।
जीवनराम नेपाल ओलम्पिक कमिटीको निवर्तमान अध्यक्ष पनि हुन् ।
उपाध्यक्षमा ज्योति राणा (२६), चतुरानन्द राजवैद्य (२२), तेजबहादुर गुरुङ (२०), सुनिल श्रेष्ठ (१८) र अशोकरत्न बज्राचार्य (१५) निर्वाचित भएका छन् । उपाध्यक्षका अन्य प्रतिस्पर्धी समिम मिया अन्सारी (१२), पुष्पदास श्रेष्ठ (११) र राजीव श्रेष्ठ (११) मत पाए ।
महासचिवमा निलेन्द्रराज श्रेष्ठ निर्वाचित भएका छन् । उनले पुरेन्द्रविक्रम लाखेलाई ३ मतले पराजित गरे । लिलेन्द्रले १५ र पुरेन्द्रले १२ मत पाए ।
उपमहासचिवमा पीताम्बर तिम्सिना र कोषाध्यक्षमा रतनकुमार टण्डन निर्विरोध निर्वाचित भएका छन् ।
यसैगरी, सचिवमा दीपकहर्ष बज्राचार्य, तुलसी थापा र रामजीबहादुर श्रेष्ठ निर्वाचित भएका छन् । सचिवमा तीन पदमा भएको निर्वाचनमा बज्राचार्यले २५, थापाले २१ र श्रेष्ठले १८ मत पाए । सचिवका अर्का प्रतिस्पर्धी तथा राखेपका पूर्वसदस्यसचिव केशवकुमार विष्ट भने पराजित भए । उनले १७ मत पाए ।
सदस्यमा रमेशप्रसाद शिवाकोटी (२६), प्रकाशशम्सेर राणा (२६), गोपालसुन्दर लाल कक्षपति (२६), दीर्घबहादुर केसी (२६), होमबहादुर दोङ (२५), टासी घले (२४) र राम अवाले (२०) निर्वाचित भए । सदस्यमा पराजित मनोरञ्जनरमण शर्माले ९ मत मात्रै प्राप्त गरे ।
निर्वाचनमा २७ मतदाता रहेका थिए ।
प्रकाशित: Dec 31, 2017| 18:23 आइतबार, पुस १६, २०७४