डा सन्दुक रुइतलाई पनि डेंगु, अस्पताल भर्ना 

काठमाडौं- नेत्र विशेषज्ञ प्रा डा सन्दुक रुइत डेंगुबाट संक्रमित भएका छन् । 

डेंगुको संक्रमणले बिरामी परेपछि उनी तीन दिनयता थापाथलीको नर्भिक अस्पतालमा उपचार गराइ राखेका छन् ।  डा रुइतसँगै उनको परिवारका तीन जनालाई पनि डेंगु देखिएको छ । सबैको उपचार जारी छ । 

डेंगुले भयावह रुप लिएको र यसको संक्रमण फैलाउने लामखुट्टे मास्ने अभियान प्रभावकारी रुपमा चलाउन ढिला गरे झन् गाह्रो उनले बताए । यसले प्रकोप रुप लिएकाले सजग हुनु पर्नेमा उनले जोड दिए । 

डेंगु संक्रमण हुने रुइत एक्ला चिकित्सक होइनन्, शुक्रराज ट्रपिकल तथा सरुवा रोग अस्पताल र राष्ट्रिय जनस्वास्थ्य प्रयोगशालाका गरेर आइतबारसम्म १० स्वास्थ्यकर्मीमा डेंगु देखिएको छ ।

अहिलेसम्म करिब ७ हजार ब्यक्ति डेंगुबाट संक्रमित भएको जनाइएको छ । उपचार गराउन नआएका र निजी अस्पतालमा उपचार गराइराखेकाहरुको संख्या जोड्ने हो भने करिब ७० हजार मानिस डेंगुबाट संक्रमित भएको हुनसक्ने अनुमान गरिएको छ।