घरभित्रै ट्याक्टर पसेर ठक्कर दिदा किशोरको मृत्यु

दाङ- घर भित्रै ट्याक्टर पसेर ठक्कर दिदा दाङमा एक किशोरको मृत्यु भएको छ । 

शनिबार बेलुका घरको आँगनमा बसिरहेका बेला रा १ त २६३१ नंको ट्र्याक्टर अनियन्त्रित भइ घरभित्र पस्दा १४ वर्षीय अनिल विकको मृत्यु भएको हो । 

जिल्ला प्रहरी कार्यालय दाङका प्रहरी नायब उपरीक्षक विनोदविक्रम शाहका अनुसार ट्र्याक्टरको ठक्करबाट गम्भीर घाइते भएका अनिलको उपचारको क्रममा मृत्यु भएको हो । उनलाई राप्ती प्रादेशिक अस्पताल तुलसीपुरमा उपचारका लागि लगिएको थियो । 

चालकले मादकपदार्थ सेवन गरेर चलाएकाले दुर्घटना भएको प्रहरीको भनाइ छ । चालकलाई प्रहरीले नियन्त्रणमा लिएको छ ।