मोटरसाइकल दाइजो नपाएको निहुँमा हत्या

रौतहट- मोटरसाइकल दाइजो नदिएको निहुँमा रौतहटमा महिलाकाे हत्या भएको छ । 

राजपुर नगरपालिका–७, अकोलवाकी २५ वर्षीया सन्जुदेवीको हत्या भएको हो ।

मृतकका बुबा अविलास सहनीको किटानी जाहेरीपछि प्रहरीले घटनामा संलग्न भएको आरोपमा मृतकका श्रीमान रामबाबु सहनी र ससुरा मोहन सहनीलाई पक्राउ गरेको छ ।  

किटानी जाहेरीमा ज्वाइँले दाइजोमा मोटरसाइकल नपाएको भन्दै कुटपिट गर्ने गरेको उल्लेख गरिएको छ । छोरीको घाँटीमा डाम देखिएकाले हत्या भएको उनको ठहर छ । 

घटनाबारे अनुसन्धान भइरहेको र मृतकको शव परीक्षणपछि परिवारजनलाई जिम्मा लगाइएको प्रहरीले जनाएको छ ।