काठमाडौं - नागरिक उड्डयन प्राधिकरणले सिम्रिक एयरलाइन्समाथि लगाएको प्रतिबन्ध फुकुवा गरेको छ। १८ दिनपछि प्रतिबन्ध फुकुवा भएको हो। सिम्रिकको उडान भने शनिबारदेखि नियमित
हुनेछ।
एयरलाइन्सले प्राधिकरणद्वारा स्वीकृत नगरिएका पाटपुर्जा प्रयोग गरेको जसले गर्दा हवाई सुरक्षामा गम्भीर असर पारेको भन्दै गत भदौ ४ गतेदेखि सिम्रिकका उडानमा प्रतिबन्ध लगाइएको थियो।प्राधिकरणले स्वीकृति गरेका पाटपुर्जा मात्रै प्रयोग गर्ने एयरलाइन्सले प्रतिवद्धता व्यक्त गरेपछि उसमाथिको प्रतिबन्ध फुकुवा गरिएको हो। सिम्रिकले पोखरा, भरतपुर र भैरहवामा उडान गर्दै आएको छ।
प्रकाशित: Dec 31, 2017| 18:23 आइतबार, पुस १६, २०७४