काठमाडौं- एसिसी यू-१९ एसिया कप क्रिकेट अन्तर्गत आज (शुक्रबार) नेपालले हाफ्नो पहिलो खेल घरेलु टोली श्रीलंकासँग खेल्दैछ। खेल नेपाली समय अनुसार बिहान १०:१५ मा सुरु हुनेछ ।
घरेलु टोलीविरुद्ध मैदान उत्रदा नेपाल सुखद सुरुवात गर्न चाहन्छ । तर, टेष्ट राष्ट्र श्रीलंकालाई पराजित गर्न भने त्यति सजिलो हुने छैन्। नेपाल श्रीलंकालाई पराजित गर्दै आफुमाथीको दबदबालाई तोड्न चाहन्छ। हालसम्म कुनै जित निकाल्न नसकेको नेपालले श्रीलंकालाई यस खेलमा शिकार बनाउन चाहन्छ ।
हेड टु हेडनेपाल र श्रीलंकाबीचको पछिल्लो पाँच भेटलाई हेन्र्ने हो भने नतिजा नेपालका लागि समझन योग्य भेन्छै। सन् २०१६ को एसिया कपमा भएको पछिल्लो भेटमा नेपाल श्रीलंकासँग १ रनले पराजित भएको थियो।
उक्त खेलमा श्रीलंकाले दिएको २ सय २८ रनको लक्ष्य पछ्याएको नेपाल ४९.३ ओभरमा सबै विकेट गुमाउँदै २ सय २६ रन मात्र बनायन सकेको थियो ।
त्यस्तै सन् २०१६ को यू-१९ विश्वकपमा नेपाल श्रीलंकासँग ६५ रनले पराजित भयो । सन् २०१२ को यू-१९ विश्वकपमा नेपालले ८ विकेटको हार व्यहोरेको थियो ।
सन् २००८ को यू-१९ विश्वकपमा पनि नेपाल ६१ रनले पराजित भएको थियो । सन् २००० को यू-१९ विश्वकपमा नेपाल श्रीलंकासँग ९ विकेटले पराजित भएको थियो ।
प्रकाशित: Dec 31, 2017| 18:23 आइतबार, पुस १६, २०७४