काठमाडौं - नेपाली कांग्रेसले दोस्रो चरणको राष्ट्रिय जागरण अभियान भदौ २४ गतेदेखि गर्ने भएको छ। बिहीबार पत्रकार सम्मेलन गर्दै कांग्रेस प्रवक्ता विश्वप्रकाश शर्माले जागरण अभियान भदौ २४ गतेदेखि असोज ७ गतेसम्म चल्ने जानकारी दिए।
वीपी कोइरालाको १०६ औं जन्म जयन्तिको अवसर पारेर अभियान सुरु गर्न लागिएको शर्माले बताए। अभियानको सुरुवात हरेक प्रदेश सभा निर्वाचन क्षेत्रहरुमा वृक्षारोपणसँगै हुनेछ।
‘वीपीको १०६ औं जन्मजयन्तिको प्रतिक स्वरूप हरेक निर्वाचन क्षेत्रमा १०६ वटा विरूवा रोप्ने कार्यक्रम तय भएको छ,’ शर्माले भने, ‘तीन सय ३० प्रदेशसभा निर्वाचन क्षेत्रमा एकै दिन ३४ हजार नौ सय विरूवा रोप्छौं।’
दोस्रो चरणको अभियान हिमाल, पहाड, तराई लक्षित हुने र बढ्दो महंगी, भ्रष्टाचार, महिला हिंसा, बलात्कार तथा अलोकतान्त्रिक विधेयकविरुद्ध केन्द्रीत हुने शर्माले बताए।
प्रकाशित: Dec 31, 2017| 18:23 आइतबार, पुस १६, २०७४