वर्षाका कारण हवाई र सडक मार्ग अवरुद्ध हुनसक्ने: सतर्क रहन अपिल

काठमाडौं- केहि दिनदेखि दिनहुँजसो साँझ र बिहान मेघगर्जनसहित भएको वर्षा अझै तीन दिन जारी रहने भएको छ । 

मौसम पूर्वानुमान महाशाखाका अनुसार आगामी तीन दिन धेरै स्थानहरुमा मेघ गर्जन/चट्टयांगसहित वर्षा हुनेछ भने केहि स्थानमा भारी वर्षाको सम्भावना छ ।

बङ्गालको खाडीको उत्तर–पश्चिम भागमा बनेको न्यून चापीय प्रणाली र स्थानीय वायुको प्रभावले मौसम बद्लीसँगै वर्षा भइरहेको मौसमविद् समिर श्रेष्ठले जानकारी दिए ।  

विहीबार देशभर सामान्य बदली रही पूर्व र मध्यका पहाडी तथा पश्चिमी भेगका केही ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ ।
 
यस्तै, शुक्रबार र शनिबार पनि देशभर आंशिकदेखि सामान्य बद्ली रही पहाडी भेगका केही ठाउँमा मेघगर्जनसहित हल्कादेखि मध्यम वर्षाको सम्भावना रहेको बताइएको छ ।

भारी वर्षाका कारण पहाडि भु-भागमा पहिरोको  जान सक्ने , हवाई तथा सडक यातायातमा समेत सामान्य अवरोध आउन सक्ने महाशाखाले जनाएको छ । नदिमा पानिको वहाव बढ्न सक्ने भएकोले सतर्कता अपनाउन पनि अपिल गरिएको छ । 

यस्ताे हुनेछ तीन दिनकाे माैसम

भाद्र १९ गते (बिहिबार)

दिउँसो: देशभरी आंसिक देखि सामान्य बदली रही पूर्व र मध्यका पहाडि तथा पश्चिमि भेगका केहि स्थानहरुमा मेघ गर्जन/चट्टयांग सहित हल्का देखि मध्यम वर्षा हुने सम्भावना छ।

राती: देशभरी सामान्य बदली रही केही स्थानहरुमा मेघ गर्जन/चट्टयांग सहित हल्का देखि मध्यम वर्षा हुनेछ। साथै पश्चिमि पहाडी भेगका एक-दुई  स्थानमा भारी वर्षाको सम्भावना देखिन्छ ।

 भाद्र २० गते (शुक्रबार)

दिउँसो: देशभरी आंसिक देखि सामान्य बदली रही पहाडि भेगका थोरै स्थानहरुमा मेघ गर्जन/चट्टयांग सहित हल्का देखि मध्यम वर्षा हुने सम्भावना छ।

राती: देशभरी सामान्य बदली रही केही स्थानहरुमा मेघ गर्जन/चट्टयांग सहित हल्का देखि मध्यम वर्षा हुनेछ। साथै पश्चिमि पहाडी भेगका एक-दुई स्थानमा भारी वर्षाको सम्भावना देखिन्छ ।

 भाद्र २१ गते (शनिबार)
दिउँसो: देशभरी आंसिक देखि सामान्य बदली रही पहाडि भेगका केहि स्थानहरुमा मेघ गर्जन/चट्टयांग सहित हल्का देखि मध्यम वर्षा हुने सम्भावना छ।

राती: देशभरी सामान्य बदली रही केही स्थानहरुमा मेघ गर्जन/चट्टयांग सहित हल्का देखि मध्यम वर्षा हुनेछ। साथै मध्य र पश्चिमि पहाडी भेगका एक-दुई स्थानमा भारी वर्षाको सम्भावना देखिन्छ ।