काठमाडौं- राष्ट्रपति विद्यादेवी भण्डारीले हिन्दू नारीहृरूको पर्व हरितालिका तीजको अवसरमा स्वदेश तथा विदेशमा रहेका सम्पूर्ण नेपाली दिदीबहिनीमा सुख, शान्ति, समृद्धि, आपसी एकता, पारिवारिक सद्भाव एवम् सुस्वास्थ्य र दीर्घ जीवनको शुभकामना व्यक्त गरेकी छन् ।
उनले आफ्नो शुभकामना सन्देशमा आदर्श सामाजिक वातावरण तयार पार्न यस्ता चाडपर्वको गरिमालाई सम्मानजनक बनाइराख्न आवश्यक रहेको बताएकी छन् । उनले भनेकी छन्, ‘नेपाली मौलिक संस्कृति संवद्र्धन गर्दै संस्कारयुक्त आदर्श सामाजिक वातावरण तयार गर्न र सदाचार जीवनशैली अपनाउन यस्ता चाडपर्वको गरिमालाई सम्मानजनक बनाइराख्नु आजको आवश्यकता हो ।’
उनले शुभकामना सन्देशमा हरितालिका तीजले सबैमा खुसी र मनोरञ्जन साटासाट गर्दै सामाजिक, सांस्कृतिक तथा पारिवारिक एकता र सम्बन्ध थप सुमधुर बनाउन सहयोग पुगोस् भन्ने कामना गरेकी छन् ।
प्रधानमन्त्रीले पनि दिए शुभकामनाप्रधानमन्त्री केपी शर्मा ओलीले हरितालिका तीजको अवसरमा स्वदेश तथा विदेशमा रहेका सम्पूर्ण दिदीबहिनीमा सुख, शान्ति, समृद्धि, सुस्वास्थ्य र दीर्घायुको शुभकामना व्यक्त गरेका छन् । उनले आफ्नो शुभकामना सन्देशमा हरितालिका तीज महिला मुक्ति र स्वतन्त्रताको भावना मुखरित गर्ने पर्व रहेको बताएका छन् ।
प्रकाशित: Dec 31, 2017| 18:23 आइतबार, पुस १६, २०७४