नेपाल यू-१५ च्याम्पियनसिप उपविजेता 

काठमाडौं- भारतमा सम्पन्न पाँचौ संस्करणको साफ यू-१५ च्याम्पियनसिपमा नेपाल उपविजेता बनेको छ। शनिरका घरेलु टोलीसँँग कल्याणी रंगशालामा भएको फाइनल खेलमा ७-० को फराकिलो अन्तरले पछि हुँदै नेपाल प्रतियोगिताको उपविजेता बनेको हो।

भारतको जितका लागि टाइसन सिंहले दुई तथा महेसन, अमन दीप, सिवजित सिंह, हिमान्सु जंगा्र र सिद्धार्थले एक एक गोल गरे । खेलको १५ औं मिनेटमा महेसनले गोल गर्दै घरेलु टोलीलाई अग्रता दिलाएका थिए । 

४२ औं मिनेटमा अमन दीपले गोल गर्दे भारतको अग्रता दोब्बर बनाउँदा पहिलो हाफको इन्जुरी समय शिवजितले गोल गर्दै अग्रता तेब्बर पारे। पहिलो हाफमा ३-० को अग्रता बनाएको भारतले दोस्रो हाफमा थप ४ गोल गर्यो । 

खेलको ५२ औं मिनेटमा टाइसनले गोल गर्दै घरेलु टोलीलाई ४-० को अग्रता दिलाए । त्यस्तै ६५ औं मिनेटमा हिमान्शुले गोल गर्दा ७६ औं मिनेटमा टाईसनले व्यक्तिगत दोस्रो गोल गर्दै भारतलाई ६-० को अग्रता दिलाए । त्यस्तै ८० औं मिनेटमा सिद्धार्थले गोल गर्दै घरेलु टोलीलाई ७-० को फराकिलो जित दिलाए। 

यसै प्रतियोगिताको पहिलो खेलमा नेपाल भारतसँग ५-० को फराकिलो अन्तरले पराजित भएको थियो । यू-१५ च्याम्पियनसिपको फाइनल खेलमा नेपाल पभारतसँग पराजित भएको यो तेस्रो पटक हो। यसअघि सन् २०१३ र २०१७ मा भएकोमा प्रतियोगितामा नपाल भारतसँग पराजित भएको थियो ।