१. बेलायती प्रतिपक्षी दलहरुले बिना शर्त युरोपेली संघबाट बेलायतलाई निकाल्ने प्रधानमन्त्रीको कसरतलाई रोक्ने प्रयास गरेका छन् ।
२. अमेरिकाको केन्द्रीय बैंकका एक पूर्व अधिकारीले राष्ट्रपति डोनल्ड ट्रम्पको दवाबमा कुनै निर्णय नलिन सम्पूर्ण अमेरिकी वित्तीय क्षेत्रलाई सजग गराएका छन् ।
३. बङ्गलादेशको गरीबी बिगत दश वर्षमा पचास प्रतिशतले घटेको वित्तमन्त्री एके अब्दुल मोमिनले बताएका छन् । दक्षिण एसियाली मुलुक बङ्गलादेश गरीबी, भोकमरी, प्राकृतिक प्रकोप र सामाजिक अस्थिरताबाट गुज्रिरहेको भए पनि घट्दो गरीबीले उसलाई केही राहत दिएको छ ।
४. माल्दिभ्सको सरकारले आफ्नो मुलुकभित्र रहेका सबै स–साना द्वीपहरुलाई जोड्ने एउटा महत्वाकांक्षी योजनाको घोषणा गरेको छ । यस योजना सम्पन्न भएमा मुलुक कै आर्थिक स्थिती सुध्रिने अपेक्षा गरिएको छ ।
५. बेलायती प्रधानमन्त्री बोरिस जोन्सनले महारानी एलिजाबेथ द्वितियाको सम्बोधन वर्तमान संसदको निलम्बनपछि हुने जनाएका छन् ।
६. चिनिया मूलका एकजना पादरीलाई इसाईहरुको केन्द्र मानिने भ्याटिकनबाट विशेष अधिकार प्रदान गरिएको जनाइएको छ । चीनले खुलापन र व्यक्तिगत स्वतन्त्रतालाई केही खुकुलो पारेपछिको यो निकै महत्वपूर्ण सामाजिक घटना भएको समाजशास्त्रीहरुले जनाएका छन् ।
७. अफगानिस्तान युद्धले महाशक्ति राष्ट्रहरुका सैनिकहरुलाई एकपछि अर्को जटिल मानसिक कुण्ठा र मनोरोगको चपेटमा पार्दै लगेको एक तथ्य सार्वजनिक भएको छ ।
सन् २००१ देखि अमेरिकाको नेत्रित्वमा बेलायतसहित विश्वका झन्डै तीन दर्जन शक्तिराष्ट्रका सैन्य शक्ति तालिबान सत्तालाई अपदस्थ गर्न त्यहाँ तैनाथ रहँदै आएका छन् ।
८. भारतीय सर्वोच्च अदालतले कश्मीरको वर्तमान मुद्दा उपर परेको रिटको सुनुवाई हुने जनाएको छ । कश्मिरले पाउदै आएको भारतीय संविधानको धारा ३७० अन्तर्गतका स्वयत्तताका सुबिधाहरु केन्द्र सरकारले खारेज गरेपछि त्यसविरुद्ध रिट परेको थियो ।
९. पुरातत्वविदहरुले पेरूमा एउटा धार्मिक अनुष्ठानका लागि बली चढाइएका २२७ बालबालिकहरुको अवशेष फेला परेका छन् । चिमू संस्कृतिमा दैवीय शक्तिलाई खशी पार्न बच्चाहरुको बलि दिने प्रचलन रहेको ईतिहास छ ।
१०. जापान सरकारले देशको दक्षिण–पश्चिममा सम्भावित बाढी तथा पहिरोलाई बिचार गर्दै २ लाख ४० हजार मानिसहरुलाई सुरक्षित स्थानतर्फ पुर्याइएको स्थानीय अधिकारीहरुले जनाएका छन् ।
प्रकाशित: Dec 31, 2017| 18:23 आइतबार, पुस १६, २०७४