समाजवादी क्रान्तिको नेतृत्व युवाले गर्नुपर्छ : प्रचण्ड

काठमाडौं- नेपाल कम्युनिस्ट पार्टी (माओवादी केन्द्र)का अध्यक्ष पुष्पकमल दाहाल 'प्रचण्ड'ले समाजवादी क्रान्तिको नेतृत्व युवाहरुले गर्नुपर्ने बताएका छन्। आफूले पनि युवा अवस्थामा नै क्रान्तिको नेतृत्व गरेको स्मरण गर्दै उनले युवाले आन्दोलनको नेतृत्व गर्नुपर्ने बताएका हुन्। 

शनिबार राजधानीमा आयोजित योङ कम्युनिस्ट लिग (वाईसीएल)को राष्ट्रिय भेलालाई सम्बोधन गर्दै अध्यक्ष प्रचण्डले यस्तो बताएका हुन्। 

'हाम्रो आशा तपाईंहरू (युवा)माथि छ। अबको समाजवादी क्रान्तिको नेतृत्व युवाहरूले गर्नुपर्छ,' उनले भने। 

कम्युनिस्ट र लोकतन्त्रवादी मिलेका बेला ठूला परिवर्तन भएको र प्रतिक्रियावादी परास्त भएको उल्लेख गर्दै कम्युनिस्ट र लोकतन्त्रवादी गठबन्धनले नै केपी ओलीको निरंकुशता पराजित गरेको उनले उल्लेख गरे।