धनगढी- डडेल्धुराको भागेश्वर गाउँपालिका–४ को डुङरी भन्ने स्थानमा बुधबार बिहान जीप दुर्घटना हुँदा एकको मृत्यु भएको छ ।
से १ ज २१० नम्बरको जीप दुर्घटना हुँदा ६३ वर्षीया मानमतीदेबि चन्दको मृत्यु भएको प्रहरीले जानकारी दिएको छ ।
बिहान करिव १० बजेतिर भएको दुर्घटनामा जीपले च्यापिएर उनको मृत्यु भएको जिल्ला प्रहरी प्रमुख प्रहरी नायव उपरीक्षक ददिराम न्यौपानेले जानकारी दिए । दुर्घटनामा घाईते भएका दुई यात्रुलाई उपचारका लागि उपक्षेत्रीय अस्पताल डडेलधुरा ल्याइएको न्यौपानेले जानकारी दिए ।
जीपमा कति यात्रु सवार थिए भन्ने नखुले पनि अन्य सबै यात्रु सकुशल रहेको प्रहरीले जनाएको छ । जीप सडकबाट करिव ८÷१० मिटर तल खसेको थियो ।
प्रकाशित: Dec 31, 2017| 18:23 आइतबार, पुस १६, २०७४