कांग्रेसले भातृ संगठनको अधिवेशन टुङ्गो लगाउने 

काठमाडौं- नेपाली कांग्रेसले नेपाल विद्यार्थी संघसहितका भातृसंगठनहरुको अधिवेशनको टुङ्गो लगाउने तयारी गरेको छ । त्यसका लागि बुधबार (आज) दिउँसो २ बजे केन्द्रीय कार्यसमितिको बैठक डाकिएको छ । 

बैठकमा लामो समयदेखि अधिवेशन हुन नसकेका भातृ संगठनहरुको अधिवेशनका विषयमा छलफल हुने प्रवक्ता विश्वप्रकाश शर्माले जानकारी दिए । उनका अनुसार आजको बैठकले अधिवेशका विषमया केहि निर्णय लिनसक्छ । 

यस्तै बैठकमा २२ असारमा महामन्त्री पूर्णबहादुर खड्काले बैठकमा पेश गरेका एजेन्डाहरुमाथि छलफल हुने जनाइएको छ । 

बैठकमा दोस्रो चरणको राष्ट्रिय अभियान सञ्चालनबारे पनि छलफल हुने कांग्रेसले जनाएको छ। भदौ २५ गतेदेखि कांग्रेस देशैभर कार्यक्रम लिएर जाँदैछ।