सुर्खेत- सुर्खेतको भेरीगंगा नगरपालिका १२ को हर्रे नजिकै एमालेमोडमा बस दुर्घटना हुँदा तीन जना महिलाको मृत्यु भएको छ ।
बुधबार बिहान भएकाे दुर्घटनामा परेर २५ जना घाइते भएका छन् । घाइते मध्ये ७ जनाको अवस्था गम्भीर रहेको छ ।
जिल्ला प्रहरी कार्यालय सुर्खेतका डिएसपी रवि रावलका अनुसार घटनास्थलमा एक जना र उपचारको क्रममको कोहलपुरमा दुई जनाको मृत्यु भएको छ । मृतको सनाखत भए भएको छैन ।
बसको चालक सहित ४ बच्चा ८ जना महिला र १३ पुरुष गरी जम्मा २५ जना घाईते भएको प्रहरीको भनाइ छ । घाइतेहरुहरुको छिन्चु र कोहलपुरमा उपचार भैरहेको छ ।
पश्चिम रुकुमको आठबिसकोट नगरपालिका राडीबजारबाट नेपालगञ्जका लागि छुटेको ना ४ ख ९३१७ नम्बरको रात्री बस आज विहान करिव ४ बजेतिर भेरीगंगा हर्रेको एमाले मोड नजिकै दुर्घटना दुर्घटनमा परेको हो ।
प्रकाशित: Dec 31, 2017| 18:23 आइतबार, पुस १६, २०७४