एमबाप्पे एक महिना मैदान बाहिर

एजेन्सी- पेरिस सेन्ट जर्मन (पिएसजी)का युवा स्टार खेलाडी केलिएन एमबाप्पे एक महिना मैदान बाहिर रहने भएका छन् । आइतबार राती टुलुजविरुद्धको खेल दौरान चोट बोकेका एमबाप्पे तीन देखी चार हप्तासम्म मैदान बाहिर रहन सक्ने फ्रेन्च मिडिया फुटबल न्युजले जनाएको छ । 

मेडिकल जाँचमा उनको मसल्समा समस्या देखीए पछि उनलाई तीन देखी चार साता विश्रान दिनु पर्ने जनाइएको हो । खेलको दोस्रो हाफमा उनले चोट बोकेका थिए । खेलको ६६ औं मिनेटमा चोट बोक्दै एमबाप्पे मैदान बाहिरिए पछि उनको स्थानमा १७ वर्षीय डिफेन्डर आर्थुर जार्गे मैदान प्रवेश गरेका थिए । 

सोहि खेलको सुरुवाती समयमा नै उरुग्वेका स्ट्राइकर एडिन्सन काभानी घाइते भएको थिए । उनी खेलको १४ औं मिनेटमा घाइते भएपछि उनको स्थानमा एरिक म्याक्सि मैदान प्रवेश गरेका थिए । एरिकले पिएसजीको जितमा व्यक्तिगत दुई गोल गरेका थिए । त्यस्तै अब्दुल डियालो पनि घाइते भएका छन् ।