छुरा प्रहार गरी हत्या

सुनसरी । जिल्लाको भोक्राहा नरसिंह गाउँपालिका-५ मा आइतबार साँझ एक जनाको छुरा प्रहार गरी हत्या भएको छ ।

स्थानीय मुर्ताज मियाँले धारिलो हतियार प्रहार गरेर वहाव मियाँको हत्या गरेको जिल्ला प्रहरी कार्यालय, सुनसरीका प्रहरी निरीक्षक अर्जुन पोखरेलले बताए ।

घरायसी झगडाका कारण मुर्ताजले छुरा प्रहार गर्दा वहाव गम्भीर घाइते भएका थिए । गम्भीर घाइते भएका वहावको उपचारका क्रममा मृत्यु भएको पोखरेलले बताए । 

घटनापछि मुर्ताज विष सेवन गरी गम्भीर घाइते भएको र उनको विराटनगरमा उपचार भइरहेको जिल्ला प्रहरी कार्यालय, सुनसरीले जनाएको छ ।  

मुर्ताज प्रहरी नियन्त्रणमा रहेको र घटनाबारे अनुसन्धान भइरहेको प्रहरीले जनाएको छ ।