एजेन्सी- बार्सिलोनाका लागि ला लिगा फुटबलमा एन्टोनी ग्रिजमनको डेब्यु गोलसँगै सानदा जित निकालेको छ । बार्सिलोनाको घरेलु मैदान क्याम्प नाउमा आइतबार राती भएको खेलमा रियल बेटिसलाई ५-२ को फराकिलो अन्तरले पराजित गर्दै सानदार जित निकालेको हो ।
सिजनको पहिलो खेल गुमाएको बार्सिलोनाको यो पहिलो जित हो । स्टार खेलाडीविना मैदान उत्रिएको बार्सिलोनाका लागि ग्रिजमनले दुई तथा कार्लेस पेरेज, जोर्डी अल्बा र अर्टुरो भिडालले एक एक गोल गरे । यता रियलका लागि नाबी फेकिर र लोरेन्जो जेसस मोरोन गास्रियाले एक एक गोल गरे ।
पहिलो हाफमा दुई मात्र गोल भएको खेलको दोस्रो हाफमा ५ गोल भएका थिए । खेलमा अग्रता भने पाहुना टोली रियल बेटिसले लिएको थियो । खेलको १५ औं मिनेटमा नाबिलले गोल गर्दै पाहुना टोलीलाई अग्रता दिलाएका थिए ।
तर, पहिलो हाफ सकिन मात्र चारा मिनेट बाँकी रहँदा ग्रिजमनले गोल गर्दै घरेलु टालीलाई खेलमा फर्काए । पहिलो हाफमा १-१ बराबरी भएको खेलको ५० औं मिनेटमा ग्रिजमनले व्यत्तिलगत दोस्रो गोल गर्दै घरेलु टोलीलाई २-१ को अग्रता दिलाए । ५६ औं मिनेटमा पेरेजले गोल गरे ।
त्यसको चार मिनेट नबित्दै अल्बाले गोल गरेपछि बार्सिलोना ४-१ गोलले अगाढी बढ्यो । ७७ औं मिनेटमा भिडालले गोल गर्दै खेल ५-१ को स्थितिमा पर्याए । त्यसको दुई मिनेट नबित्दै रियलका लोरेन्जो जेससले गोल गर्दै ५-२ ले गोल अन्तर घटाए ।
बार्सिलोनाका स्टार खलाडी लियोनल मेस्सी, लुइस स्वारेज र उस्माने डेम्बले चोटका कारण खेलमा उपस्थित थिएनन् । यसजितसँगै बासिलोनाले दुई खेलमा तीन अंक जोड्दै अंक तालिकाको नवौं स्थानमा उक्लिएको छ । पराजित रियल बेटिस समान खेलमा जित विहिन छ ।
प्रकाशित: Dec 31, 2017| 18:23 आइतबार, पुस १६, २०७४