काठमाडौं महानगरपालिकाले कुहिने र नकुहिने फोहर बेग्लाबेग्लै संकलन गर्ने भएको छ । यसरी छुट्टाछुट्टै संकलन गर्न थालेपछि करिब १० प्रतिशत फोहरमात्रै ल्याण्डफिल साइटमा पुग्ने महानगरपालिकाको अनुमान छ ।
महानगरपालिकाका भित्री वडाहरू १२, १८ र २१ मा घरेलु फोहोर छुट्टै छुट्टै संकलन गर्ने र त्यसअनुसार घरघरमा पनि कुहिने र नकुहिने फोहर बेग्लाबेग्लै भाँडोमा राख्न महानगरपालिकाले आग्रह गरेको छ ।
वडा नम्बर १८ ले आइतबार सचेतनामुलक ¥याली आयोजना गरेर स्थानीय वासिन्दालाई यसबारे जानकारी गराएको छ । यसरी छुट््याइएको फोहोरमध्ये आइतबार, मंगलबार, बिहीबार र शनिबार हप्ताको ४ दिन कुहिने र सोमबार र बुधबार २ दिन नकुहिने फोहोर संकलन गरिनेछ ।
वडाध्यक्ष न्हुच्छेकाजी महर्जनका अनुसार, कुहिने फोहोर संकलन गर्न हरियो रङ र नकुहिने फोहोर लिन रातो रङको गाडी आउने छ ।
महानगरपालिकाको वातावरण व्यवस्थापन विभाग प्रमुख हरिकुमार श्रेष्ठका अनुसार, शुरुमा नमूनाका रुपमा तीनवटा वडामा काम सुरू गर्न लागिएको हो । यि तीनवडामा कार्यक्रम सफल भएपछि अन्य वडाहरुमा पनि यो कार्यक्रम लागु गरिने उनले बताए ।
श्रेष्ठका अनुसार, यी वडाबाट संकलित कुहिने फोहोर ल्याण्डफिल साइटमा पठाइने छैन । उनी भन्छन, “टेकु ट्रान्सफर साइट नकिज जैबिक फोहोर राख्ने खाल्टो तयार भइसकेको छ । त्यहीं राखेर मल बनाउँछौं ।”
काठमाडौं महानगरबाट दैनिक करीब ५१६ मेट्रिक टन र उपत्यक भरबाट दैनिक करीब १ हजार ४५ मेट्रिक टन फोहोर उत्पादन हुन्छ । यसरी उत्पादन हुने फोहोर नगरपालिकाहरुसँगै केही निजी कम्पनी तथा गैर सरकारी संघसंस्थाले संकलन र ढुवानी गरेर अन्तिम व्यवस्थापनका लागि ल्याण्डफिल साइट पु¥याउँछन् ।
यो प्रणालीमा सुधार गरेर संकलित फोहोरको करीब ६० प्रतिशत रहने जैविक फोहोरबाट कम्पोष्ट मल बनाउने, नकुहिने फोहरमध्ये ३० प्रतिशतलाई रिसाइकल गर्नका लागि बिक्री गरिने र बाँकी १० प्रतिशतमात्रै अन्तिम व्यवस्थापनका लागि ल्याण्डफिल साइटमा पु¥याउने महानगरको योजना छ ।
प्रकाशित: Dec 31, 2017| 18:23 आइतबार, पुस १६, २०७४