बर्दिया- बर्दिया राष्ट्रिय निकुन्जबाट निस्केको बाघको आक्रमणबाट आइतबार बिहान वृद्धको ज्यान गएको छ । ठाकुरबाबा नगरपालिका-१, भुरीगाउँमा ७० वर्षीय पहरिया तारुको बाघको आक्रमणबाट ज्यान गएको प्रहरीले जनाएको छ ।
प्रहरीका अनुसार घरमा पालेको संगुरलाई आहारा दिने बेला बिहान करिब ७ बजे उनलाई बाघले आक्रमण गरेको हो ।
तीन दिनअघि पनि बाघको आक्रमणबाट महिलाको ज्यान गएको थियो । प्रहरीका अनुसार गेरुवा गाउॅपालिका-४ मा घास काट्न सामुदायिक वनमा गएकी स्थानीय रामकली शाहीको ज्यान गएको थियो ।
प्रकाशित: Dec 31, 2017| 18:23 आइतबार, पुस १६, २०७४